2026-жылдын 11-апрелинде Бишкек шаарындагы «Адам» университетинин базасында “Autism Awareness Program (AAP)” темасында конференция өттү.
Иш-чарага Бишкек шаарындагы ар түрдүү университеттерден 10 команда катышты.
Конференция аутизм маселелерине арналган конкурстук презентациялар форматында өтүп, андан соң талкуу жана калыстар тобунун суроолоруна жооп берүү менен уланды.
Конкурстун жыйынтыгы боюнча БММИ студенттеринин командасы — GM-2-22s тобунун 8-семестринин студенттери Patidar Jaya жана Vyas Sidhi — 1-орунду ээледи.
Баяндама жалпы билим берүү жана медициналык дисциплиналар кафедрасынын улук окутуучусу Юн Екатерина Александровнанын жетекчилиги астында даярдалды.
Команда жогорку даярдык деңгээлин, материалды ишенимдүү өздөштүргөнүн, маалыматты сабаттуу сунуштаганын жана калыстар тобунун суроолоруна жооп берүүдө мыкты коммуникативдик жөндөмдөрүн көрсөтүп, катышуучулардын ичинен эң жогорку баага ээ болду.